Bisita honetan, produktu paregabe honen atzean dagoen proiektua ezagutuko dugu: ekoizpen agroekologikoan oinarritutako lan egiteko modua, lehengaien zaintza eta elikagaien eraldaketaren inguruko teknikak. Gainera, ENEEK ziurtagiri ekologikoa duten produktuak nola sortzen diren azalduko digute, kalitatea, jasangarritasuna eta tokiko ekoizpena uztartuz.

Baratxuri beltzaz gain, fruta eta barazki deshidratatu eta hartzituen munduan murgilduko gara, zaporeak eta kontserbazio-teknikak nola landu eta eraldatzen diren ezagutuz. Bisita honek aukera emango digu nekazaritza tradizionaletik abiatuta balio erantsi handiko produktuak nola sortzen diren ikusteko.

Ezagutu eta dastatu:

• Kalitate handiko baratxuri beltz ekologikoa.
• Baratxuri beltz deshidratatua.
• Fruta deshidratatuak.
• Fruta eta barazki hartzituak.
• Gatz espeziatuak.

Jarduera ezin hobea da gastronomia, elikadura osasuntsua eta tokiko ekoizpena gustuko dituztenentzat. Zatoz zapore berriak deskubritzera eta ezagutu nola bihurtzen den nekazaritzako ekoizpena benetako gourmet produktu.

Zalantzak edo informazio  645.009.477 /blarrinaga@leartibaifundazioa.eus

Bizkaiko Foru Aldundiak eta Eusko Jaurlaritzak finantzatutako jarduera.