Artibai ibaiaren arroa Bizkaiako ekialdean kokatzen da eta bere ingurunean integratua da jaioleku duen Oiz menditik bere bokaleraino Ondarroako herri arrantzalean. Itsas eragina duen ibaiaren gainerako zatian nekazaritza-landazabalez edo hirigunez inguratutako marearteko lokatz eta hareatza txikiak bakarrik daude.

Oiz hegoaldean, Iluntzar ekialdean eta Kalamua mendebaldean dira eskualde menditsu honen hiru tontor nagusiak, inguruko zelai berdeen eta baserrien zaindari.

Dantza, herriko idiosinkraziaren eta senaren parte da, eta Lea Artibai eskualdea horren erakusgarri da. Berton, eskualde txikia izanda ere, bost dantza-mota herrikoi dantzatu ohi dira.

Lea-Artibai eskualdeko zenbait enpresak Turismo Enogastronomiko kluba sortu dute. Klubak egonaldiak, menuak, produktuak, bisitak eta jarduerak eskaintzen ditu.

Lea-Artibaiko biztanleen gehiengoak euskaraz hitz egiten dugu, eta euskal lurralde osoan eskualderik euskaldunenetakoa gara. Euskarak bere baitan baditu euskalkiak, bizkaiera bera esaterako. eta aldi berean, Lea-Artibain badaude bizkaieraren barne aldaerak eta hitz egiteko modu ezberdinak.