Aulesti
Aulesti
Aulesti
Aulesti
Gaurko izen ofiziala Aulesti bada ere, Murelaga dugu elizatea eratu zeneko izena. Aulesti parroki inguruko kalearen izena zen eta horrela herritarren bizitokiari (gaztelerazko “pueblari”) deitu zitzaion Aulesti. 7 auzo gehiago daude herrian eta bakoitzak Erdi Aroko baseliza bana dauka.
Herriaren erdialdean kokatzen da plaza, bidearen ondoan. Plazan bertan kokatzen da eliza, Oizko kararriaz egindako 6 zutabe lodi ditu eta 5 kanpai. Horietako bat Belen kanpaia deitzen da, 1626koa. Kanpai hau trumoi eta ekaitzetan jotzen da, konjuroak egitean. Horrez gain bazuen beste zeregin bat ere: emakumeren bat erditzeko zegoenean, une larri horiek ondo igarotzeko eta zetorrena osasunez etortzea eskatzeko jotzen zen.
Txoko lasaia: Erreka ondoko parkea
Lea errekaren ertzean dago, Urriola auzorako bidea hartuz iristen da, frontoiaren ondotik igarota. Bainugune bihurtuta dagoen urjauzi baten ondoan dago, errekan bainatu, eguzkia hartu, futbolean egin, mahaietan bazkaldu…daiteke. Leku egokia da egun pasa egiteko.
Zer egin / ikusi
Aulestiko parkea
Aulestiko parkea Gernika Ibilbidean dago. Leku lasai eta ederrean aurkitzen da, Lea errekaren ondoan. Bertan, errekan bainatu, eguzkia hartu, futbolean egin, mahaietan bazkaldu... Leku egokia da egun pasa egiteko.
Gehiago irakurriSanta Eufemi Ermita
Mendi tontorrean ermitaren ondoan jarrita, ikusgarria da paisaia: Urdaibaiko itsasadarra, Bizkaiko eta Gipuzkoako kostaldea, Durango inguruko Mendiak zein Gipuzkoa guztiko mendirik handienak... deskribatu ezinekoa da, bertaratu eta ikusi beharrekoa.
Gehiago irakurriLea ibilbidea GR38.3 Ardoa eta Arrainaren Ibilbidea
Lea ibaia laburra da. Laburra bezain bizia. Oiz mendiaren ipar isurialdean, Munitibarren, jaiotzen da bere emaria. Ibilbide honetan, urarekin batera, historiaz beteriko inguru ezezagun eta baketsu aurkitu eta gozatezko aukera paregabea izango duzu.
Gehiago irakurriIbañez de Aulestia dorretxea
Pedro Ibañez de Aulestiak berreraiki zuen 1456. urtean herriari izena ematen dion dorretxea hau. Hermandadeak, hainbat bandokide ezkutatzearen aitzakiatan, 1451. urtean erre egin baitzuen.
Gehiago irakurriGure produktuak eta errezetak
Lea-Artibai eskualdeko sukaldaritza joria eta askotarikoa da, eta urte-sasoiko produktu freskoenak, lurrekoak nahiz itsasokoak, ditu oinarri. Lea Artibai eskualdeko lurralde eta gizarte aniztasunak bermatu egin du gure produktuen kalitatea.
Lo egin
Andikoetxe
Andikoetxe landetxea XVIII. mende hasierako baserria da, Aulestin dago, naturaz, bakez eta lasaitasunez inguratutako bailara txiki batean.